به نقل از نشریه موج نو :بوگون چارشنبه دیآیینین ۲۸زی کرج شهرینین ارشاد اداره سینده “شعراخشامی” گفتگو سالونوندا برگزار اولوندو.
بو ادبی جلسه “آذربایجان آدلی انجمن”ین طرفیندن “قیزیل قلم”ین گوزل ایجراسی و هابئله شاعیرلر و یازارلارین تشبثایله صمیمی شکیلده حیاتا کئچیریلدی.
“یعقوب نیکزاد” مشکین شهرلی شاعیر بو مراسیمین قوناغی اولوب و گوزل ایجراسیلا مجلیسی شوقا گتیردی.
هابئله بو مراسیمده سدید،قیزیلقلم، ابراهیم رضازاده،محمدعباسی،حسین زاده، بهمن آراسته،حفاری،دکتر غفارنژاد، حسین فاضلی،جابرلطفی،قادر بابایی، قاسم نوربخش،ائلناز حسنی،مریم حمیدی، مرجان خراسانی،هوشنگ حسن زاده، تیرداد آتشکار،منوچهر تیموری، امیرعلی میکائیلی،علی نصیری و رضا قاسم پور یازدیقلاری و قوشدوقلاری شعرلری قوناق لارین حضورینده قرائت ائدیب و جمعیت طرفیندن آلقیشلاندیلار.
بورادا مراسیده اوخونان نئچه شعری بیرلیکده دینلهییریک.
گئتدین سپه لندی گؤزوموزدن گیله گیزلین
باتدی قورو جان سس ـ سوووموز نیسگیله گیزلین
مین دیللی سوکوتلار قاباریر قارشیما لال سس
گل توت یاخاسیندان دلیجه سیلکه له گیزلین!
سندن گؤتورور یاز دا یاشیللیقلاری بیرـ بیر
سازلار قوپاریر سؤز دوداغیندان هله گیزلین
سال گوزگو گؤزللیکلرینی! بومبا آچیلسین
چکمه بو گوناهسیز سسی آرتیق زیله گیزلین!
ائهمال یئری دیسکینمه سین آغ کؤلگه لی قوشلار
گؤینرتی آداخلانما دا کؤکسوم گیله گیزلین
داددی باخیشیندان بولاق آیدینلیغی گؤزـ گؤز
تؤکدو یولا یورغونلوغونو قافیله گیزلین
کؤنلوم قارا اوز عشقه دویوقدورسا، دونوخماز
بارماقلاریم ایز قویدو آغارمیش تئله گیزلین
بیزدن اوغول اولماز دده یه ، نعشی دیدیلمیش
سالما بیزی آرتیق بو قدر گئت، گله گیزلین!
یعقوب نیکزاد
کرجده شعر آخشامی
زمان انتشار : 2023/01/25 - 00:57